Свята вёскі Шацілава Полацкага раёна адзначылі з небывалым размахам

Культура

Вёска Шацілава — адзін са шматлікіх населеных пунктаў Гаранскага сельсавета Полацкага раёна, стаіць на беразе рэчкі Обаль, вабіць хараством прыроды і прыгажосцю сядзібаў дбайных гаспадароў.

У гэты маляўнічы куточак Полацкага раёна, дзе пастаянна пражываюц­ь крыху менш за 30 мясцовых жыхароў, завітала свята «Дзень вёскі». У госці да сяльчан і шматлікіх дачнікаў. Хаця дачнікамі іх можна назваць умоўна, таму што гэтыя людзі, у большасці сваёй, — усе родам з Шацілава, дзякуй ім за тое, што не кідаюць хаты сваіх бацькоў, прыязджаюць сюды на лета з бліжэйшых населеных пунктаў, а некаторыя — з Мінска і нават з Масквы.

Cлужбы — для сяльчан
У выхадны дзень да шацілаўцаў на свята прыехалі намеснік старшыні Полацкага райвыканкама Пётр Пяткевіч, старшыня Гаранскага сельвыканкама Мікалай Карасёў, старшыні ўсіх сельвыканкамаў раёна. Госці прыехалі на свята, каб падзівіцца, як у сельскай мясцовасці можна рэалізаваць праект «Раённыя службы — для сяльчан!».

й2й2 002
— На сённяшнім свяце сяльчане атрымаюць новыя веды, прымуць удзел у акцыях і прэзентацыях, — распавяла намеснік начальніка аддзела ідэалагічнай работы, культуры і па справах моладзі Алена Астапава.
І запрасіла на экскурсію па вёсцы, дзе на розных вуліцах са сваімі пляцоўкамі размясціліся спецыялісты раённых служб: Полацкгаза, вузла паштовай сувязі, аддзела адукацыі, спорту і турызму, бібліятэчнай сістэмы, гарад­ской бальніцы, службы быту, Тэрытарыяльнага цэнтра сацыяльнага абслугоўвання насельніцтва, райпо, Цэнтра рамё­стваў і нацыянальных культур. Да тэматычных пляцовак падыхо­дзілі сяльчане, з цікавасцю слухалі спецыялістаў, набывалі неабходныя тавары.

Пакланіліся крыжу
А гэтым часам пачалося асвячэнне Паклоннага крыжа, які ўстаноўлены ў Шацілаве напярэдадні свята вёскі. Айцец Аляксей са Свята-Пакроўскай царквы г.Полацка паведаміў, што некалі ў Шацілаве была царква, гэтае месца — святое, намоленае, цяпер пакланіцца крыжу змогуць усе жадаючыя жыхары вёскі. Крыж быццам заменіць сяльчанам страчаную святыню. Свяшчэннаслужыцель адслужыў малебен у гонар устаноўленага крыжа, акрапіў яго і ўдзельнікаў малебна святой вадой.

й2й2 032

Брава, майстар!
Удзельнікі экскурсіі па вёсцы Шацілава атрымалі сапраўднае задавальненне. Шчырыя ўсмешкі і гасціннасць мясцовых жыхароў і гасцей, іх добрыя пажаданні ўразілі і падарылі цудоўны настрой.

й2й2 110
Беларуская песня ў выкананні народнага ансамбля беларускай песні і музыкі «Полацкія рос­сыпы» Раённага Цэнтра рамёстваў і нацыянальных культур неслася далёка па наваколлі. Гасцей за­цікавіла выстава «Святло залатой саломкі» майстра Зоі Прасняковай. Творчыя працы самадзейнага майстра ўпрыгожваюць мясцовы клуб. Таленавітай жанчыне падабаецца вязаць, вышываць, рабіць цікавыя працы з саломкі. У яе творчых працах значнае месца адведзена кветкам: ружам, лілеям, валошкам. Госці свята нібы зазірнулі ў душу майстра, падзякавалі Зоі Сямёнаўне за твор­часць, а дырэктар Цэнтра рамёстваў і нацыянальных культур Вольга Шаркевіч уручыла ёй Падзячны ліст і каштоўны падарунак.

й2й2 104

Для аматараў чытання
Супрацоўнікі бібліятэчнай сістэмы на чале з дырэктарам Ганнай Бурносенка прывезлі кніжную выставу, расказалі пра працу бібліёбуса.

й2й2 142
Работнікі Полацкага раённага вузла паштовай сувязі прапаноўвалі аформіць падпіску на газеты, набыць часопісы, давалі кансультацыі па паштовых паслугах. Забаўляльную праграму з канцэртам і конкурсамі прывезлі на свята супрацоўнікі Полацкага раённага цэнтра дзяцей і моладзі.
Частуйцеся!
Старэйшына вёскі Алена Пісаненка насупраць свайго дома зрабіла цікавую выставу з дароў прыроды, частавала гасцей пі­рагамі і варэнікамі. Гэтая гаспадыня — адзіная ў вёсцы, якая трымае на падворку карову.

й2й2 162
Стол для гасцей, на якім гаспадарылі дары прыроды, быў накрыты і ў двары самай пажылой жыхаркі вёскі Шацілава, 87-гадовай Леаніды Цімафееўны Смірновай.

й2й2 208Павіншаваць жанчыну са святам вёскі прыехалі актывісты раённай ветэранскай арганізацыі. Людміла Андрэеўна Дзянісава напісала прыгожы верш пра вёску Шацілава, радкі якога кранаюць сэрца…

й2й2 211

Яшчэ адзін стол з ураджаем агародніны мы ўбачылі на падворку 65-гадовай Галіны Пятроўны Пахоменка. Яе сястра Раіса Пятроўна з задавальненнем прадэманстравала нам агуркі цікавага сорту даўжынёй амаль 30 сантыметраў! Віталь Андрэевіч Пахоменка сустракаў гасцей спевамі пад гармонік. Яны з ся­строй Таццянай прыязджаюць у бацькоўскі дом на лета з Мінска, ім даспадобы цішыня і прыгожы бераг рэчкі, які бачны
з акна.

й2й2 272
У адным з двароў работнікі культуры наладзілі свята кало­дзежа. Галоўны герой свята — Дзед Ціхоня — забаўляў конкурсамі дарослых і дзяцей!

й2й2 279

На дапамогу
Прыёмшчыца заказаў з комплекснага прыёмнага пункта «Новыя Гараны» ААТ «Полацк­райбыт» Наталля Беражкова распавяла, што ўдзельнікі свята набылі некалькі ручнікоў, цікавіліся бытавымі паслугамі.

й2й2 287Спецыялі­сты газавай службы — старшы майстар Аляксандр Жыгуноў і інжынер па ахове працы Ірына Баранава — давалі кансультацыі па ўстаноўцы газавага абсталявання, па правільным карыстанні газавымі балонамі. Дырэктар Тэрытарыяльнага цэнтра сацыяльнага аблугоўвання насельніцтва Аляксандр Шухлеў расказаў, што з самага ранку ў Шацілаве рэалізуецца праект «Пчала ляціць на дапамогу». Да спецыялістаў звярнуліся 3 сталыя жанчыны з просьбай зрабіць ім прычоскі. Сяльчане даведаліся пра паслугі, якія аказваюць спецыялісты пажылым грамадзянам і інвалідам. 10  чалавек — трэцяя частка ад усяго насельніцтва вёскі Шацілава — абслугоўваюцца сацработнікам на даму. Усім гэтым грамадзянам на свяце ўручаны падарункі.

й2й2 083
Медыцынскія работнікі прапагандавалі здаровы лад жыцця. У палатцы райпо паведамілі, што на свяце карысталася попытам кулінарная прадукцыя, а так­сама шацілаўцы здалі 7  кілаграмаў лісічак.

На галоўнай сцэне
Шчыра віншаваў шацілаўцаў з днём вёскі старшыня Гаранскага сельвыканкама Мікалай Карасёў. Ён адзначыў, што дзякуючы стараннасці жыхароў, гэты населены пункт у дзень свайго нараджэння выглядае прыбраным, чыстым, утульным. Мікалай Васільевіч разам з намеснікам дырэктара па ідэалагічнай рабоце ААТ «Новыя Гараны» Ларысай Кудранок уручылі падарункі сяльчанам у розных намінацыях конкурсу, вынікі якога былі падведзены напярэдадні свята.

й2й2 291
У намінацыі «Мае гады — маё багацце» ўшанавалі старажылаў вёскі Л.Ц.Смірнову, В.П.Калач, Л.А.Смірнову, А.Ф.Калач, М.М.Баранаву. Ім зычылі моцнага здароўя, каб святло ў дамах га­рэла яшчэ доўгія гады.
Прыз за лепшую сядзібу са словамі падзякі за любоў да зямлі і роднай вёскі атрымала Зоя Марозава.

й2й2 324За арыгінальнае афармленне ўчастка падзя­кавалі Анатолю Пісаненка. За арыгінальнае афармленне дома атрымала прыз Галіна Ярыга. У намінацыі «Майстар на ўсе рукі» адзначылі Сяргея Пахоменка. За творчы падыход у працы з дрэвам лепшай прызнана сядзіба Валянціны Лакомскай. У намінацыі «Удачны дачнік» перамог Аляксандр Шавяка. У конкурсе «Кветкавая карусель» перамог Пётр Андрэевіч Заплаўненка. Прызам адзначаны і лепшы палісаднік Уладзіміра Калача. Алена Пісаненка атрымала прыз як самая гасцінная гаспадыня.

й2й2 301

З удзячнасцю
Спецыялісты «Полацкгаза» ўшанавалі самых дысцыплінаваных спажыўцоў звадкаванага газу індывідуальных установак вёскі Сяргея Пахоменка і Ула­дзіміра Акуцёнка. Памочнік урача Гаранскай амбулаторыі Ігар Мятла ўручыў падарунак самай паслухмянай пацыентцы Леані­дзе Смірновай. Работнікі пошты ўшанавалі падарункамі ўдзельнікаў акцыі па падпісцы на газету «Полацкі веснік» Аляксандра Пі­саненка, Галіну Пахоменка, Таццяну Пахоменка, Зою Марозаву і па­дзякавалі за шматгадовую працу аператару пункта паштовай сувязі «Новыя Гараны» Людміле Мазай. Ад Цэнт­ра культуры прымала добрыя словы за дапамогу ў правядзенні святаў і падарунак мясцовая жыхарка Анастасія Калач. Бібліятэкар Вольга Шавяка выказала словы ўдзячнасці вяскоўцам, якія адгукнуліся на просьбу прыняць удзел у выставе «Знатны дачнік».

…Калі матэрыял рыхтаваўся да друку, у рэдакцыю нашай газеты прыйшло пісьмо са словамі шчырай падзякі за свята. У длінным спісе — Мікалай Карасёў, старшыня Гаранскага сельвыканкама, Вольга Шавяка, бібліятэкар Новагаранскай бібліятэкі, Вера Юдэнка, дырэктар Новагаранскага СДК, Ларыса Кудранок, намеснік дырэктара ААТ «Новыя Гараны», артысты Новагаран­скага СДК — Людміла Бортнікава, Вера Юдэнка, Галіна Карзюк, Святлана Сафроненка, Валянціна Кальсіна, Валерыя Прыгодзіч, гаранскага СДК — Галіна Сушчык, ансамбль «Полацкія россыпы» і спявак Васіль Граноўскі, паэтка Людміла Дзянісава.



Добавить комментарий

Ваш адрес email не будет опубликован. Обязательные поля помечены *