Гараджане і госці горада адразу звярнулі ўвагу на «знікненне» з алеі на праспекце Францыска Скарыны адметнай скульптуры — памятнага знака літары «Ў». Але непакоіцца з гэтай нагоды не трэба: полацкія камунальнікі з гаспадарскім падыходам узяліся за абнаўленне дадзенай скульптурнай кампазіцыі.
Да работы прыцягнуты аўтар праекта Ігар Куржалаў і спецыялісты-ліцейшчыкі ААТ «Тэхналіт Полацк», у якіх напрацаваны вялікі вопыт мастацкага ліцця. Плануецца, што адноўлены ў чыгуне і ўдасканалены памятны знак «Ў» у хуткім часе вернецца на месца.
