У палачан і гасцей горада ёсць магчымасць акунуцца ў сярэднявечча.
У гэтую суботу, 6 верасня на плошчы Францыска Скарыны адбудзецца інтэрмедыя «Полацак. Дыярыюш падарожніка». Гэта падзея абяцае стаць сапраўдным святам для ўсіх аматараў гісторыі і культуры.
У праграме — гістарычныя мініяцюры, абрады, батлейка, сярэдневяковая музыка, катанне на конях, танцы, гульні і шмат іншага. Усё гэта зробіць «Полацак. Дыярыюш падарожніка» не проста мерапрыемствам, а сапраўдным падарожжам у гісторыю, дзе кожны зможа стаць часткай вялікай культуры, якая адродзіцца на адну чароўную суботу.
Кожны, хто вырашыць наведаць інтэрмедыю, знойдзе нешта даспадобы. Арганізатары з нецярпеннем чакаюць сустрэчы са сваімі гасцямі ў 18.00, каб разам адчуць магію старажытнага Полацка!
Арганізатарамі выступілі народны тэатр народнага касцюма «Полацкі Зьвяз» сумесна з фальклорным гуртам «Варган», народным тэатрам лялек «КапялюШ» і клубам гістарычнай рэканструкцыі «Чорны война».
