У Полацкім ГПК працягваецца чарада майстар-класаў па акцёрскім майстэрстве.
«Тэатр без сцэнарыя» з Верай Кісялёвай, рэжысёрам заслужанага аматарскага калектыву Рэспублікі Беларусь народнага тэатра «Пілігрым», ужо палюбіўся палачанам і карыстаецца поспехам.
Чарговы майстар-клас прайшоў у мінулую нядзелю. Тых, хто прыйшоў на яго, чакалі гульні, танцы, фізічная нагрузка і яркія эмоцыі. Удзельнікі прызнаюцца, што такі фармат заняткаў дазваляе ім раскрыць свой творчы патэнцыял і разняволіцца, дае магчымасць імправізаваць, знаходзіць нечаканыя рашэнні і ўзаемадзейнічаць з партнёрамі па сцэне на зусім іншым узроўні. Вера Кісялёва ўмела накіроўвае гэтую энергію, дапамагаючы ўдзельнікам ператварыць спантанныя ідэі ў міні-спектаклі.
Палачане з нецярпеннем чакаюць новых сустрэч з Верай Кісялёвай і яе «Тэатрам без сцэнарыя». Арганізатары плануюць праводзіць такія майстар-класы і далей. Сачыце за афішамі.
Асноўны акцэнт у майстар-класах робіцца на развіцці камунікатыўных навыкаў, уменні хутка рэагаваць на зменлівыя абставіны і працы ў камандзе. Гэтыя навыкі карысныя не толькі на сцэне, але і ў паўсядзённым жыцці.
Фота з архіва ўстановы.
