Да 500-годдзя беларускага кнігадрукавання выйшла кніга, падрыхтаваная супрацоўнікамі Нацыянальнага Полацкага гісторыка-культурнага музея-запаведніка і выдавецтвам «Беларусь» — «Кніжныя скарбы Беларусі». Кіраўнік праекта — дырэктар НПГКМЗ Тамара Джумантаева, аўтары-складальнікі Вера Ашуева і Вольга Філімонова.
Шыкоўны фотаальбом (248 старонак) на трох мовах — беларускай, рускай і англійскай — распавядае пра Музей беларускага кнігадрукавання ў Полацку і пра гісторыю беларускай кніжнасці, пададзеную праз музейную экспазіцыю. Набыць кнігу можна ў музеях і сувенірнай лаўцы запаведніка за 33 беларускія рублі.
